പ്രാഗ്: ചെക്ക് റിപ്പബ്ലിക്ക് പ്രസിഡന്റ് തെരഞ്ഞെടുപ്പില്‍ ആദ്യഘട്ടത്തില്‍ നിലവിലെ പ്രസിഡന്റ് മിലോസ് സമാനിനു വിജയം. എന്നാല്‍, മിലോസിന് ഭൂരിപക്ഷം ലഭിക്കാത്തതിനാല്‍ രാജ്യത്ത് രണ്ടാംഘട്ട തെരഞ്ഞെടുപ്പ് നടക്കുമെന്ന് ഉറപ്പായി.
കഴിഞ്ഞ ദിവസം നടന്ന തെരഞ്ഞെടുപ്പിന്റെ അന്തിമ ഫലം പുറത്തുവന്നപ്പോള്‍ മിലോസിന് 39 ശതമാനം വോട്ടാണു നേടാനായത്. മുഖ്യ എതിരാളി ജിരി ദ്രാഹോസ് 26.3 ശതമാനം വോട്ടുമായി തൊട്ടുപിറകിലുണ്ട്. 61 ശതമാനമാണ് ആദ്യഘട്ടത്തില്‍ പോള്‍ ചെയ്തത്.