തിരുവനന്തപുരം: പൊലിസ് കസ്റ്റഡിയിലിരിക്കെ ക്രൂരമര്‍ദനത്തിനിരയായി കൊല്ലപ്പെട്ട നെയ്യാറ്റിന്‍കര സ്വദേശി ശ്രീജിവിന്റെ മരണം അന്വേഷിക്കില്ലെന്ന സി.ബി.ഐ നിലപാട് പുനപരിശോധിക്കണമെന്ന് പ്രതിപക്ഷ നേതാവ് രമേശ് ചെന്നിത്തല. കേസ് സി.ബി.ഐ അന്വേഷിക്കണമെന്നാവശ്യപ്പെട്ട് ചെന്നിത്തല കേന്ദ്രമന്ത്രി ജിതേന്ദ്ര സിംഗിന് കത്തയച്ചു.  കേസ് അന്വേഷിക്കാന്‍ സി.ബി.ഐയ്ക്ക് നിര്‍ദേശം നല്‍കണമെന്നും ചെന്നിത്തല കത്തില്‍ ആവശ്യപ്പെടുന്നു.