ന്യൂഡല്‍ഹി: ചീഫ് ജസ്റ്റിസിനെതിരേ സുപ്രിം കോടതിയിലെ നാല് മുതിര്‍ന്ന ജഡ്ജിമാര്‍ ഉന്നയിച്ച ആരോപണം പരിഹരിക്കാന്‍ അടിയന്തര നടപടിയുണ്ടാകണമെന്ന് ഡല്‍ഹിയിലെ ജില്ലാ കോടതികളിലെ അഭിഭാഷകരുടെ കോ-ഓര്‍ഡിനേഷന്‍ കമ്മിറ്റി. ഇതുസംബന്ധിച്ച് അവര്‍ പ്രമേയം പാസാക്കുകയും ചെയ്തു. പത്തു ദിവസത്തിനകം പ്രശ്‌നം പരിഹരിച്ചില്ലെങ്കില്‍ ഇതു തെരുവിലേക്ക് വലിച്ചിഴക്കപ്പെടുമെന്നും പ്രമേയം മുന്നറിയിപ്പ് നല്‍കുന്നു.
ആറ് ജില്ലാ കോടതികളിലെ അഭിഭാഷകരാണ് യോഗം ചേര്‍ന്ന് പ്രമേയം പാസാക്കിയത്. ഇത്തരം പ്രശ്‌നങ്ങള്‍ ആഭ്യന്തര ഇടപെടലുകളിലൂടെ വേണം പരിഹരിക്കാന്‍. ജുഡീഷ്യല്‍ അക്കൗണ്ടബിലിറ്റി ബില്‍ പാസാക്കി ഇതുപോലുള്ള പ്രശ്‌നങ്ങള്‍ ഇല്ലാതാക്കാനാണ് ശ്രമിക്കേണ്ടത്.
നാല് മുതിര്‍ന്ന ജഡ്ജിമാര്‍ ഉന്നയിച്ച ആരോപണങ്ങള്‍ പരിഹരിക്കാന്‍ ചീഫ് ജസ്റ്റിസ് തയാറാകണമെന്നും അഭിഭാഷകര്‍ ആവശ്യപ്പെട്ടു.