വെള്ളറട: വെള്ളറട സര്‍ക്കാര്‍ ആശുപത്രിയുടെ വാട്ടര്‍ടാങ്കിനു മുകളില്‍ കയറിയ വീട്ടമ്മയെ ഫയര്‍ഫോഴ്‌സ് രക്ഷപ്പെടുത്തി. പന്നിമല ആറടിക്കര വീട്ടില്‍ പുഷ്പ (55) മാണ് കഴിഞ്ഞദിവസം രാത്രി 12 മണിക്ക്‌വാട്ടര്‍ടാങ്കിനു മുകളില്‍ കയറിയത്. ആശുപത്രിയുടെ വാട്ടര്‍ടാങ്കില്‍ കയറിയ ഉടന്‍തന്നെ വെള്ളറട പൊലിസിനെയും പാറശ്ശാല ഫയര്‍ഫോഴ്‌സിനെയും അറിയിച്ചു.
ഫയര്‍ഫോഴ്‌സ് എത്തി 90 അടി ഉയരമുള്ള വാട്ടര്‍ടാങ്കിനു മുകളില്‍ നിന്ന് വലയിലാക്കി താഴെ ഇറക്കുകയായിരുന്നു. പ്രാഥമിക ചികിത്സയ്ക്കുശേഷം ഇവരെ ബന്ധുക്കള്‍ക്കൊപ്പം വിട്ടു.