ചേളാരി: അസോസിയേഷന്‍ ഓഫ് സമസ്ത മൈനോരിറ്റി ഇന്‍സ്റ്റിറ്റിയൂഷന്‍സ് (അസ്മി) സംസ്ഥാന കലോത്സവം 27ന് വെളിമുക്ക് ക്രസന്റ് റസിഡന്‍ഷ്യല്‍ സ്‌കൂളില്‍ നടക്കും. സംസ്ഥാനത്തെ വിവിധ സ്‌കൂളുകളില്‍ നിന്നായി ആയിരത്തോളം വിദ്യാര്‍ഥികള്‍ മത്സരങ്ങളില്‍ മാറ്റുരക്കും. ആറ് വേദികളിലായാണ് പരിപാടികള്‍ നടക്കുക. വെളിമുക്ക് ക്രസന്റ് ഇംഗ്ലീഷ് സ്‌കൂളില്‍ നടന്ന സ്വാഗതസംഘം രൂപീകരണ യോഗം സമസ്ത മദ്‌റസാ മനേജ്‌മെന്റ് അസോസിയേഷന്‍ സംസ്ഥാന ജന. സെക്രട്ടറി എം.എ.ഖാദര്‍ ഉദ്ഘാടനം ചെയ്തു.
അസ്മി സംസ്ഥാന വൈസ് പ്രസിഡന്റ് പി.വി മുഹമ്മദ് മൗലവി അധ്യക്ഷനായി. ജന. സെക്രട്ടറി ഹാജി പി.കെ മുഹമ്മദ്, റഹീം ചുഴലി, സലാം ഫൈസി മുക്കം, നവാസ് ഓമശ്ശേരി, റഷീദ് കബളക്കാട്, അഡ്വ. ആരിഫ്, ഡോ. അലി അക്ബര്‍ ഹുദവി, സി. രാജ് മോഹനന്‍, എ.മുഹമ്മദലി സംസാരിച്ചു. അസ്മി ആര്‍ട്‌സ് സംസ്ഥാന ചെയര്‍മാന്‍ അനീസ് ജിഫ്‌രി തങ്ങള്‍ സ്വാഗതവും കണ്‍വീനര്‍ മജീദ് പറവണ്ണ നന്ദിയും പറഞ്ഞു. സ്വാഗതസംഘം ഭാരവാഹികളായി എം.എ ഖാദര്‍ (ചെയര്‍മാന്‍) സി.രാജ്‌മോഹനന്‍ ( കണ്‍വീനര്‍), ഹാജി പി.കെ മുഹമ്മദ് (ട്രഷറര്‍) എന്നിവരെ തെരഞ്ഞെടുത്തു.