ഷാജഹാന്‍പൂര്‍:വോട്ട് വിഭജിച്ച് ബി.ജെ.പിക്ക് സഹായം ചെയ്യാനുള്ള ഗൂഢനീക്കമാണ് സമാജ് വാദി പാര്‍ട്ടി നടത്തുന്നതെന്ന് ബി.എസ്.പി നേതാവ് മായാവതി. ബി.ജെ.പി അധികാരത്തിലെത്തിയാല്‍ ദലിത് വിഭാഗങ്ങള്‍ക്കുള്ള റിസര്‍വേഷന്‍ ഇല്ലാതാകുമെന്നും അവര്‍ ആരോപിച്ചു.
ഭരണകക്ഷിയായ പാര്‍ട്ടിയുടെ നിലപാട് വോട്ടുകള്‍ വിഭജിക്കുകയെന്നതാണ്. യാദവകുലത്തിലെ ശത്രുത വഴി അഖിലേഷും ശിവ്പാലും ഭീകരാവസ്ഥയാണ് സംസ്ഥാനത്ത് നടപ്പാക്കുന്നത്. എസ്.പിക്ക് വോട്ട് ചെയ്താല്‍ അത് ആര്‍ക്കും ഗുണം ചെയ്യില്ലെന്നും മായാവതി ചൂണ്ടിക്കാട്ടി. ബി.എസ്.പിക്ക് വോട്ട് ചെയ്യുകയെന്നത് മാത്രമാണ് ബി.ജെ.പിയുടെ സ്വാധീനത ഇല്ലാതാക്കാനുള്ള ഏക മാര്‍ഗമെന്നും അവര്‍ കൂട്ടിച്ചേര്‍ത്തു.