മക്ക: വിശുദ്ധ കഅ്ബക്കു സമീപം ആത്മഹത്യാശ്രമം ഉണ്ടായതിനെ തുടര്‍ന്ന് അധികൃതര്‍ കഅ്ബയുടെ ഈ ഭാഗം കഴുകി വൃത്തിയാക്കി. ഹറം കാര്യ വകുപ്പിന് കീഴിലെ ശുചീകരണ ഉദ്യോഗസ്ഥരും കിസ്‌വ ഫാക്റ്ററി ഉദ്യോഗസ്ഥരുമാണ് കിസ്‌വയില്‍ പെട്രോള്‍ തെറിച്ച ഭാഗങ്ങള്‍ കഴുകി വൃത്തിയാക്കിയത്.
കഴിഞ്ഞ ദിവസമാണ് 40 കാരനായ മാനസിക വൈകല്യമുള്ളയാള്‍ കിസ്‌വക്ക് അടുത്തുവച്ചു ആത്മഹത്യക്ക് ശ്രമിച്ചത്. പെട്രോള്‍ തെറിച്ച ഭാഗങ്ങള്‍ അധികൃതര്‍ കഴുകി വൃത്തിയാക്കി സുഗന്ധങ്ങളും മറ്റും പൂശി പരിശുദ്ധത നിലനിര്‍ത്തിയിട്ടുണ്ട്.