വടകര: എം.എസ്.എഫ് പ്രവര്‍ത്തകനെ സംഘം ചേര്‍ന്ന് മര്‍ദിച്ചു. കല്ലേരി കുനിയില്‍ മുഹമ്മദ് ഷിബിലിനാണ് (17) അക്രമത്തില്‍ പരുക്കേറ്റത്. ചൊവ്വാഴ്ച രാത്രി ഏഴോടെയാണ് സംഭവം. പട്ടിക കഷ്ണങ്ങളുമായെത്തിയ സംഘം കല്ലേരി ടൗണില്‍ വച്ചു പ്രകോപനമൊന്നും കൂടാതെ മര്‍ദിക്കുകയായിരുന്നുവെന്ന് പറയപ്പെടുന്നു.
ഫഌക്‌സ് കീറിയെന്നാരോപിച്ചാണ് ഇരുപതോളം വരുന്ന സംഘം അക്രമിച്ചത്. ഡി.വൈ.എഫ്.ഐ പ്രവര്‍ത്തകരാണ് അക്രമിച്ചതെന്ന് ഷിബില്‍ പറഞ്ഞു. സംഭവത്തില്‍ ഷിബിലിന്റെ തലക്കും കൈ കാലുകള്‍ക്കും പരുക്കേറ്റിട്ടുണ്ട്. ഷിബിലിനെ വടകരയിലെ സ്വകാര്യ ആശുപത്രിയില്‍ പ്രവേശിപ്പിച്ചു. വടകര പൊലിസില്‍ പരാതി നല്‍കി.