ഫൈസാബാദ്: ഫൈസി ബിരുദം സ്വീകരിക്കാന്‍ ഇത്തവണ ബി.ടെക് എന്‍ജിനീയറും. മലപ്പുറം പള്ളിപ്പുറം പരേതനായ ആലുങ്ങല്‍ മൊയ്തീന്‍ മുസ്‌ലിയാരുടെ മകന്‍ മുഹമ്മദ് നജീബുല്ലയാണ് ജാമിഅ നൂരിയ്യയിലെ രണ്ടുവര്‍ഷത്തെ മുതവ്വല്‍ മതപഠനകോഴ്‌സ് പൂര്‍ത്തിയാക്കി ഇന്നു ഫൈസി ബിരുദം സ്വീകരിക്കുന്നത്.
വേങ്ങൂര്‍ നെല്ലിക്കുന്ന് ജുമാമസ്ജിദില്‍ കോടങ്ങാട് മുഹമ്മദ്കുട്ടി ദാരിമിയുടെ ദര്‍സില്‍ നിന്ന് മതപഠനവും എം.ഇ.എ എന്‍ജിനീയറിങ് കോളജില്‍ നിന്ന് ബി.ടെക് പഠനവും പൂര്‍ത്തിയാക്കിയാണ് നജീബുല്ല ജാമിഅയില്‍ മുതവ്വലില്‍ പ്രവേശനം നേടിയത്. നിലവില്‍ നെല്ലിക്കുന്ന് ദര്‍സില്‍ മുദരിസും എം.ടെക് വിദ്യാര്‍ഥിയുമാണ്.