കോഴിക്കോട്: യാത്രക്കാരുടെ തിരക്ക് പരിഗണിച്ച് ദക്ഷിണ റെയില്‍വേ കൊച്ചുവേളിക്കും മംഗളൂരു ജങ്ഷനും ഇടയില്‍ പ്രത്യേക ട്രെയിന്‍ ഓടിക്കും. 26നും ഫെബ്രുവരി രണ്ടിനും കൊച്ചുവേളിയില്‍ നിന്നു വൈകിട്ട് 6.35ന് പുറപ്പെടുന്ന 06053 നമ്പര്‍ ട്രെയിന്‍ അടുത്തദിവസം പുലര്‍ച്ചെ 5.10ന് മംഗളൂരുവില്‍ എത്തിച്ചേരും.
28നും ഫെബ്രുവരി നാലിനും മംഗളൂരുവില്‍ നിന്നു 06054 എന്ന നമ്പറില്‍ വൈകിട്ട് 3.40ന് പുറപ്പെടുന്ന ട്രെയിന്‍ തൊട്ടടുത്ത ദിവസം പുലര്‍ച്ചെ അഞ്ചിന് കൊച്ചുവേളിയില്‍ എത്തും.
ഒരു എ.സി ടു ടയര്‍, രണ്ട് എ.സി ത്രീ ടയര്‍, ഏഴു സ്ലീപ്പര്‍, മൂന്നു ജനറല്‍, രണ്ടു ലഗേജ് കോച്ചുകള്‍ ട്രെയിനില്‍ ഉണ്ടാകും. കൊല്ലം, കായംകുളം, ചെങ്ങന്നൂര്‍, തിരുവല്ല, കോട്ടയം, എറണാകുളം ടൗണ്‍, ആലുവ, തൃശൂര്‍, ഷൊര്‍ണൂര്‍, കോഴിക്കോട്, കണ്ണൂര്‍, കാസര്‍കോട് എന്നിവിടങ്ങളില്‍ സ്‌റ്റോപ്പുണ്ടാകും.