ജമ്മു: ട്രെയിന്‍ പോകുമ്പോള്‍ പാളത്തില്‍ കമിഴ്ന്ന് കിടന്ന് സാഹസികത കാണിക്കുകയും ഇത് സാമൂഹിക മാധ്യമങ്ങള്‍ വഴി പ്രചരിപ്പിക്കുകയും ചെയ്ത യുവാവിനെതിരേ കര്‍ശന നടപടിയെടുക്കണമെന്ന് ജനങ്ങള്‍. ഇത്തരം സാഹസിക പ്രകടനങ്ങള്‍ ഒരിക്കല്‍പോലും ഉണ്ടാകാന്‍ പാടില്ലെന്നും അവര്‍ പറയുന്നു.
തിയതി കാണിക്കാത്ത വിഡിയോയില്‍ കശ്മിരികളുടെ പരമ്പരാഗത വസ്ത്രം ധരിച്ചെത്തിയ യുവാവ് പാളത്തില്‍ കമിഴ്ന്ന് കിടക്കുകയാണ്. എതിരേ നിന്ന് കുതിച്ചെത്തിയ ട്രെയിനിനടിയില്‍ പാളത്തില്‍ പതുങ്ങി കിടന്ന ഇയാള്‍ ട്രെയിന്‍ പോയ ശേഷം എഴുന്നേല്‍ക്കുകയാണ്. ഇത് സാമൂഹിക മാധ്യമങ്ങളിലൂടെ പ്രചരിച്ചതോടെ യുവാവിനെതിരായ പ്രതിഷേധവും ശക്തമായി.