ഖുര്‍ആനിനെക്കുറിച്ചും ഉള്ളടക്കത്തെക്കുറിച്ചും തെറ്റിദ്ധാരണകള്‍ പരത്താനുള്ള ബോധപൂര്‍വമായ ശ്രമങ്ങള്‍ നടന്നുകൊണ്ടിരിക്കുമ്പോള്‍ രാജ്യത്തെ വ്യത്യസ്ത മതസമൂഹങ്ങള്‍ സൗഹൃദത്തിലും സഹവര്‍ത്തിത്തത്തിലും കഴിഞ്ഞു കൂടണമെന്നാഗ്രഹിക്കുന്ന ഒരു ഹിന്ദു സന്യാസി നടത്തുന്ന ഖുര്‍ആന്‍ വായന. സൂറത്തുല്‍ ഫാത്തിഹയെയാണ് സ്വാമി കൂടുതല്‍ വായിക്കുന്നത്. ഭൂമിയില്‍ സൂക്ഷ്മതയുള്ളവര്‍ക്കു സമാധാനത്തില്‍ തുടങ്ങി അഹങ്കാരത്തിന്റെ നരകത്തെയും വിനയത്തിന്റെ സ്വര്‍ഗത്തെയും കണ്ടെത്തി നേര്‍മാര്‍ഗത്തിന്റെ പ്രബോധനഗ്രന്ഥമായി ഖുര്‍ആനിനെ അദ്ദേഹം വായിക്കുന്നു.