മഞ്ചേരി: മേഖല റെയ്ഞ്ച് ജംഈയ്യത്തുല്‍ മുഅല്ലിമീന്‍  ഇസ്‌ലാമിക്ക് കലാമേള ഇന്ന് നെല്ലികുത്ത് മുക്കം സ്വലാഹുദ്ധീന്‍ മദ്‌റസയില്‍ നടക്കും. പതിനൊന്ന് റെയ്ഞ്ചുകളില്‍ നിന്നും  47 മത്സര ഇനങ്ങളിലായി 450 മത്സരാര്‍ഥികള്‍  മാറ്റുരക്കും.
രാവിലെ ഒന്‍പതിന് അഡ്വ. എം ഉമ്മര്‍ എം.എല്‍.എ ഉദ്ഘാടനം ചെയ്യും. വൈകീട്ട് നടക്കുന്ന സമാപന സംഗമം സയ്യിദ് ഫഖ്‌റുദ്ദീന്‍ തങ്ങള്‍ ഉദ്ഘാടനം ചെയ്യും. മുനിസിപ്പല്‍ സ്റ്റാന്‍ഡിങ് കമ്മിറ്റി ചെയര്‍മാന്‍ പി.പി കബീര്‍ ട്രോഫി വിതരണം ചെയ്യും. അഷ്‌റഫ് മൗലവി, ശുക്കൂര്‍ മുസ്‌ലിയാര്‍ വെട്ടികാട്ടിരി, ശറഫുദ്ദീന്‍, സമദ്മൗലവി അരീക്കോട്, ഉമ്മര്‍ഫൈസി മൈത്ര, അബ്ദുറഹ്മാന്‍ ഫൈസി കാവനൂര്‍, സമദ് മുസ്‌ലിയാര്‍ വെട്ടികാട്ടിരി തുടങ്ങിയവര്‍ പങ്കെടുക്കും.