അരീക്കോട്:  ഈര്‍ങ്ങാട്ടിരി ഗ്രാമ പഞ്ചായത്തില്‍ നടപ്പിലാക്കുന്ന നിര്‍മല ഗ്രാമം സമ്പൂര്‍ണ ശുചിത്വ ഊര്‍ങ്ങാട്ടീരി  പദ്ധതിയുടെ പ്രചരണാര്‍ഥം 15 കിലോ മീറ്റര്‍ ദൂരം കൂട്ടയോട്ടം സംഘടിപ്പിച്ചു. പൂവത്തിക്കല്‍,  വെറ്റിലപ്പാറ എന്നിവിടങ്ങളില്‍ നിന്നായി രണ്ട് മേഖലകളായി നടത്തിയ കൂട്ടയോട്ടം തെരട്ടമ്മലില്‍  സമാപിച്ചു. വിദ്യാര്‍ഥികള്‍, യുവാക്കള്‍, രാഷ്ട്രീയ പാര്‍ട്ടി പ്രതിനിധികള്‍, വ്യാപാരികള്‍ തുടങ്ങിയ നൂറോളം പങ്കെടുത്തു. മൂര്‍ക്കനാട് സുബലുസ്സലാം ഹയര്‍ സെക്കന്‍ഡറി സ്‌കൂള്‍ എന്‍.എസ്.എസ് വളണ്ടിയര്‍മാര്‍ സന്ദേശ റാലിയും ഉത്‌ബോദന സംഗമവും നടത്തി.
പഞ്ചായത്ത് പ്രസിഡന്റ് എന്‍.കെ ഷൗക്കത്തലി കൂട്ടയോട്ടം ഫ്‌ളാഗ് ഓഫ് ചെയ്തു. പഞ്ചായത്തിലെ 21  വാര്‍ഡുകളില്‍ നിന്നും ശേഖരിക്കുന്ന മാലിന്യങ്ങള്‍ 25 വാഹനങ്ങളിലായി കയറ്റി അയക്കും. 17ന്  വൈകിട്ട് നാലിന് പഞ്ചായത്ത് ഓഫിസ് പരിസരത്ത് നിന്ന് മന്ത്രി കെ.ടി ജലീല്‍ മാലിന്യം കൊണ്ട്  പോവുന്ന വാഹനങ്ങളുടെ ഫ്‌ളാഗ് ഓഫ് ചെയ്യും.