പട്ടാമ്പി: എസ്.എസ്.എല്‍.സി, പ്ലസ്ടു വിദ്യാര്‍ഥികള്‍ക്കായി എസ്.കെ.എസ്.എസ്.എഫ് വിദ്യാഭ്യാസ വിംഗ് ട്രന്റ് ജില്ലയിലുടനീളം സംഘടിപ്പിക്കുന്ന പബ്ലിക്ക് എക്‌സാം ഓറിയന്റേഷന്‍ ക്ലാസുകള്‍ക്ക് തുടക്കമായി. ജില്ലയിലെ വിവിധ മേഖലകളില്‍ നിന്നും തെരഞ്ഞെടുക്കപ്പെട്ട വിദ്യാര്‍ഥികള്‍ക്കാണ് ഉദ്ഘാടന വേദിയില്‍ പരിശീലനം നല്‍കിയത്. മണ്ണാര്‍ക്കാട് കൊട്ടോപ്പാടം ഹയര്‍സെക്കന്‍ഡറി സ്‌കൂളില്‍ നടന്ന ഉദ്ഘാടന സംഗമം സയ്യിദ് ശിഹാബുദ്ദീന്‍ ജിഫ്രി തങ്ങള്‍ നിര്‍വഹിച്ചു. ട്രന്റ് ജില്ലാ ചെയര്‍മാന്‍ കെ.പി ശരീഫ് ഹുദവി അധ്യക്ഷനായി. ഇടുക്കി ജില്ലാ വിദ്യാഭ്യാസ ഉപഡയറക്ടര്‍ അബൂബക്കര്‍ മുഖ്യപ്രഭാഷണം നടത്തി. കണ്‍വീനര്‍ ബാബു മാസ്റ്റര്‍ ആലാന്‍ വിഷയാവതരണം നടത്തി. സയ്യിദ് ഹുസൈന്‍ തങ്ങള്‍, ഷമീര്‍ ഫൈസി കോട്ടോപ്പാടം, ഹബീബ് ഫൈസി, സയ്യിദ് ഉമറുല്‍ ഫാറൂഖ് ഇരുമ്പകശ്ശേരി, ഉബൈദ് മാസ്റ്റര്‍ ആക്കാടന്‍, ഷമീര്‍ മാസ്റ്റര്‍ തെയ്യോട്ട്ചിറ, റഷീദ് മാസ്റ്റര്‍, മാനഫ്, കബീര്‍ അന്‍വരി സംസാരിച്ചു. ഓറിയന്റേഷന്‍ ക്ലാസുകള്‍ക്ക് സലീം മാസ്റ്റര്‍, അയ്യപ്പദാസ് നേതൃത്വം നല്‍കി.