തൃശൂര്‍: ന്യൂഡല്‍ഹിയിലെ ഇന്‍ഡ്യന്‍ സൊസൈറ്റി ഓഫ് ടെക്‌നിക്കല്‍ എഡ്യൂക്കേഷന്റെ കേരളത്തിലെ മികച്ച പോളിടെക്‌നിക്ക് കോളേജ് അധ്യാപകനുള്ള ദേശീയ അവാര്‍ഡ് തൃശൂര്‍ ഗവ. വനിതാ പോളിടെക്‌നിക്ക് കോളജിലെ കമ്പ്യൂട്ടര്‍ വിഭാഗം മേധാവി എം.ജെ. ബിജുവിന് ലഭിച്ചു. പഠന പാഠ്യേതര വിഷയങ്ങളിലെ പ്രവര്‍ത്തനങ്ങളിലെ മികവ് വിലയിരുത്തിയാണ് കേരളത്തില്‍ നിന്നും ഒരു അധ്യാപകനെ അവാര്‍ഡിനായി തെരഞ്ഞെടുക്കുന്നത്. ലുധിയാനയിലെ ഗുല്‍സാര്‍ ഗ്രൂപ്പ് ഓഫ് ഇന്‍സ്റ്റിസ്റ്റൂഷനില്‍ നടന്ന 46ാമത് വാര്‍ഷിക കണ്‍വന്‍ഷനില്‍വച്ച് മുംബൈ ഐ.സി.ടി. യൂനിവേഴ്‌സിറ്റി വൈസ് ചാന്‍സലര്‍ ഡോ.ജി.ഡി. യാദവ് അവാര്‍ഡ് സമ്മാനിച്ചു. 32 വര്‍ഷം മുന്‍പ് കേരളത്തിലെ പോളിടെക്‌നിക്കുകളില്‍ ആരംഭിച്ച കമ്പ്യൂട്ടര്‍ എന്‍ജിനിയറിങ്് വിഭാഗത്തില്‍ നിന്നും ഒരു അധ്യാപകന് ആദ്യമായിട്ടാണ് ഈ അവാര്‍ഡ് ലഭിക്കുന്നത്. കൊരട്ടി മാളിയേക്കല്‍ ജോസഫ്എല്‍സി ദമ്പതികളുടെ മകനായ ഇദ്ദേഹം ഇപ്പോള്‍ ഇരിങ്ങാലക്കുട അവിട്ടത്തുരിലാണ് താമസം. 1997 മുതല്‍ ഷൊര്‍ണൂര്‍, കളമശേരി, പെരുമ്പാവൂര്‍, കൊരട്ടി, പുറപ്പുഴ എന്നീ പോളിടെക്‌നിക്ക് കോളജുകളില്‍ സേവനമനുഷ്ഠിച്ചിട്ടുണ്ട്.