കായംകുളം: നാല്‍പ്പതാമത് അഖില കേരള ടെക്‌നിക്കല്‍ ഹൈസ്‌കൂള്‍ കലോത്സവം ആദ്യനാള്‍ പിന്നിട്ടപ്പോള്‍ ജില്ലാ തലത്തില്‍ 40 പോയിന്റോടെ മലപ്പുറം മുന്നില്‍.
28 പോയിന്റുമായി പാലക്കാടും 27 പോയിന്റുമായി തൃശൂരും തൊട്ട് പിന്നില്‍ നില്‍ക്കുന്നു. സ്‌കൂള്‍ തലത്തില്‍ മലപ്പുറം ജില്ലയിലെ കുറ്റിപ്പുറം ടെക്‌നിക്കല്‍ ഹൈസ്‌കൂള്‍ 31 പോയിന്റുമായി ഒന്നാം സ്ഥാനത്ത് എത്തി. തൊട്ടപിന്നിലായി 28 പോയിന്റ് നേടി മലപ്പുറം കൊക്കൂര്‍ ടെക്‌നിക്കല്‍ ഹൈസ്‌കൂളും മുന്നേറ്റം തുടരുന്നു.
26 പോയിന്റുമായി പെരുന്തല്‍മണ്ണ ടെക്‌നിക്കല്‍ ഹൈസ്‌കൂളും ഉണ്ട്.47 ഇനങ്ങളില്‍ 15 ഇനങ്ങളാണ് ആദ്യദിനം പൂര്‍ത്തീകരിച്ചത്.