മുംബൈ: ഒരിടവേളയ്ക്ക് ശേഷം സുരേഷ് റെയ്‌ന ഇന്ത്യന്‍ ക്രിക്കറ്റ് ടീമില്‍ തിരികെയെത്തി. ദക്ഷിണാഫ്രിക്കക്കെതിരായ ടി20 പരമ്പരയ്ക്കുള്ള ഇന്ത്യന്‍ ടീമിലേക്ക് റെയ്‌നയെ ഉള്‍പ്പെടുത്തി. വിരാട് കോഹ്‌ലി ക്യാപ്റ്റനായ 16 അംഗ ടീമിനെയാണ് തിരഞ്ഞെടുത്തത്. ആറ് മത്സരങ്ങളടങ്ങിയ ഏകദിന പരമ്പരയ്ക്ക് പിന്നാലെ ഫെബ്രുവരി 21 മുതലാണ് മൂന്ന് മത്സരങ്ങളടങ്ങിയ ടി20 പരമ്പര. ശ്രീലങ്കക്കെതിരായ ടി20യില്‍ വിശ്രമം അനുവദിച്ചിരുന്ന ശിഖര്‍ ധവാനും പേസര്‍ ശാര്‍ദുല്‍ താക്കൂറും ടീമില്‍ ഇടം പിടിച്ചു. അതേസമയം ശ്രീലങ്കക്കെതിരായ പോരാട്ടത്തില്‍ നടാടെ ഇന്ത്യന്‍ ടീമിലേക്ക് തിരഞ്ഞെടുക്കപ്പട്ട മലയാളി പേസര്‍ ബേസില്‍ തമ്പി, ശ്രേയസ് അയ്യര്‍, മുഹമ്മദ് സിറാജ്, ദീപക് ഹൂഡ, വാഷിങ്ടന്‍ സുന്ദര്‍ എന്നിവരെ ഒഴിവാക്കി.
ടീം: കോഹ്‌ലി (ക്യാപ്റ്റന്‍), രോഹിത്, ധവാന്‍, രാഹുല്‍, റെയ്‌ന, ധോണി, കാര്‍ത്തിക്, ഹര്‍ദിക്, മനീഷ് പാണ്ഡെ, അക്‌സര്‍, യുസ്‌വേന്ദ്ര ചഹല്‍, കുല്‍ദീപ്, ഭുവനേശ്വര്‍, ബുമ്‌റ, ഉനദ്കട്, ശാര്‍ദുല്‍ താക്കൂര്‍.