ആയഞ്ചേരി: നാടിന്‍െ വികസനത്തില്‍ രാഷ്ട്രീയം കലര്‍ത്തരുതെന്ന് മുല്ലപ്പള്ളി രാമചന്ദ്രന്‍ എം.പി. ആയഞ്ചേരി ടൗണില്‍ കനോത്ത് കോംപ്ലക്‌സില്‍ പാറക്കല്‍ അബ്ദുല്ല എം.എല്‍.എയുടെ ക്യാംപ് ഓഫിസ് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. കുറ്റ്യാടി മണ്ഡലത്തിലെ സമഗ്രവികസനം ലക്ഷ്യമാക്കിയുള്ള കൂട്ടായ പ്രവര്‍ത്തനമാണ് ആവശ്യം. മണ്ഡലത്തിലെ വ്യവസായ, കാര്‍ഷിക, ഗതാഗത, ആരോഗ്യ, ടൂറിസം മേഖലയില്‍ മണ്ഡലത്തില്‍ നിരവധി കാര്യങ്ങള്‍ ചെയ്തു തീര്‍ക്കാനുണ്ടെന്നും അദ്ദേഹം കൂട്ടിച്ചേര്‍ത്തു.
പാറക്കല്‍ അബ്ദുല്ല എം.എല്‍.എ അധ്യക്ഷനായി. കടമേരി ബാലകൃഷ്ണന്‍, തോടന്നൂര്‍ ബ്ലോക്ക് പഞ്ചായത്ത് പ്രസിഡണ്ട് തിരുവള്ളൂര്‍ മുരളി, ഗ്രാമ പഞ്ചായത്ത് പ്രസിഡന്റുമാരായ എം.എം നഷീദ ടീച്ചര്‍ (ആയഞ്ചേരി), വി.കെ അബ്ദുല്ല (വേളം), എ മോഹനന്‍ മാസ്റ്റര്‍ (തിരുവള്ളൂര്‍), കെ.കെ മോഹനന്‍ (വില്യാപ്പള്ളി), സി.എന്‍ ബാലകൃഷ്ണന്‍ (കുറ്റ്യാടി), പ്രസീത (പുറമേരി), ബ്ലോക്ക് പഞ്ചായത്ത് അംഗം തേറത്ത് കുഞ്ഞികൃഷ്ണന്‍, ആയഞ്ചേരി ഗ്രാമ പഞ്ചായത്ത് വൈസ് പ്രസിഡന്റ് പി.എം ഷിജിത്ത്, അംഗങ്ങളായ ടി.വി കുഞ്ഞിരാമന്‍ മാസ്റ്റര്‍, ബാബു കുളങ്ങരത്ത്, വിവിധ രാഷ്ട്രീയ പാര്‍ട്ടി പ്രതിനിധികളായ രാംദാസ് മണലേരി, സി.വി കുഞ്ഞിരാമന്‍ മാസ്റ്റര്‍, കെ.ടി അബ്ദുറഹിമാന്‍, പ്രമോദ് കക്കട്ടില്‍, കെ.എം ബാബു, കുറ്റ്യാടി മണ്ഡലം യു.ഡി.എഫ് കണ്‍വീനര്‍ അമ്മാരപ്പള്ളി കുഞ്ഞിശങ്കരന്‍, ചെയര്‍മാന്‍ പി അമ്മദ് മാസ്റ്റര്‍ സംസാരിച്ചു.