റിയാദ്: ജിദ്ദയിലും മദീനയിലും സുരക്ഷാ സേന നടത്തിയ ഓപ്പറേഷനില്‍ നിരവധി ഭീകരര്‍ പിടിയിലായതായി റിപ്പോര്‍ട്ട്. ജിദ്ദയിലെ ഹറാസാത്തിന് സമീപത്തുള്ള അല്‍ മഹാമീദ് മേഖലയിലും മദീനയിലെ അല്‍ റിബ്‌വ  മേഖലയിലും ശനിയാഴ്ച പുലര്‍ച്ചെയായിരുന്നു തെരച്ചില്‍. ഐ.എസുമായി ബന്ധമുള്ളവരാണ് പിടിയിലായതെന്നാണ് സൂചന. ഇക്കാര്യം ആഭ്യന്തരമന്ത്രാലയം ഔദ്യോഗികമായി  പുറത്തുവിട്ടിട്ടില്ല. ഏഴിലധികം തീവ്രവാദികള്‍ പിടിയിലായതായി സഊദി മാധ്യമങ്ങള്‍ റിപ്പോര്‍ട്ട് ചെയ്തു.  വിവിധസേനകളുടെ സംയുക്ത സഹായത്തോടെയായിരുന്നു ഭീകരവേട്ട.