ന്യൂഡല്‍ഹി: മുന്‍ പ്രതിപക്ഷ നേതാവ് വി.എസ് അച്യുതാനന്ദന്റെ പദവി സംബന്ധിച്ച് സി.പി.ഐ.എം പൊളിറ്റ്ബ്യൂറോ ഇന്ന് തീരുമാനമെടുത്തേക്കും. ഏറെ വിവാദം സൃഷ്ടിച്ച വി.എസിന്റെ കുറിപ്പ് ജനറല്‍ സെക്രട്ടറി സീതാറാം യെച്ചൂരി ഇന്ന് പി.ബിയില്‍ വെക്കും.

കുറിപ്പ് വിവാദമായതോടെ വി.എസ് പദവി ആവശ്യപ്പെട്ട് തനിക്ക് കുറിപ്പ് തന്നതായി യെച്ചൂരി കഴിഞ്ഞ ദിവസം തുറന്നു പറഞ്ഞിരുന്നു. ക്യാബിനറ്റ് റാങ്കോടെ സര്‍ക്കാരിന്റെ ഉപദേശകന്‍, എല്‍.ഡി.എഫ് ചെയര്‍മാന്‍ എന്നീ പദവികളാണ് വി.എസ് കുറിപ്പിലൂടെ ആവശ്യപ്പെട്ടത്.

എല്‍.ഡി.എഫ് മന്ത്രിസഭയുടെ സത്യപ്രതിജ്ഞാ ചടങ്ങിനിടെയാണ് വി.എസിന്റെ കുറിപ്പ് വിവാദമായത്.