ചെറുവത്തൂര്‍: സാമൂഹ്യ നീതി വകുപ്പിന്റെ നേതൃത്വത്തില്‍ ദേശീയ ബാലികാ ദിനാചരണത്തിന്റെ ഭാഗമായി സംഘടിപ്പിച്ച സംസ്ഥാന കാരവാന്‍ എക്‌സിബിഷന്‍ പര്യടനത്തിനു ജില്ലയില്‍ ഊഷ്മള സ്വീകരണം. കൊവ്വല്‍ എ.യു.പി സ്‌കൂളില്‍ ജില്ലാ പഞ്ചായത്ത് പ്രസിഡന്റ് എ.ജി.സി ബഷീര്‍ ഉദ്ഘാടനം ചെയ്തു. പഞ്ചായത്ത് പ്രസിഡന്റ് മാധവന്‍ മണിയറ അധ്യക്ഷനായി. പി.സി സുബൈദ, യു സുമിത്ര, മാധവികൃഷ്ണന്‍, കെ നാരായണന്‍, പ്രവ്ദ പീറ്റര്‍ സംസാരിച്ചു.
കാഞ്ഞങ്ങാട്: കാഞ്ഞങ്ങാട് ബ്ലോക്ക് പഞ്ചായത്ത് ഹാളില്‍ നല്‍കിയ സ്വീകരണം പുല്ലൂര്‍ പെരിയ പഞ്ചായത്ത് പ്രസിഡന്റ് ശാരദ.എസ്.നായര്‍ ഉദ്ഘാടനം ചെയ്തു. ബ്ലോക്ക് ക്ഷേമകാര്യ സ്റ്റാന്റിംഗ് കമ്മിറ്റി ചെയര്‍മാന്‍ എം.കുഞ്ഞമ്പു അധ്യക്ഷനായി. അഡ്വ.ബിന്ദു ബോധവല്‍ക്കരണ ക്ലാസ് നടത്തി. ടി.എസ്.സുമ, പി.ഇന്ദിര, മുഹമ്മദലി, കരുണാകരന്‍ കുന്നത്ത്, ഇന്ദിരബാലന്‍, സൈനബ, സി.വി.ഗോവിന്ദന്‍ തുടങ്ങിയവര്‍ സംസാരിച്ചു. പെരിയ കേന്ദ്ര സര്‍വകലാശാലയിലെ കുട്ടികള്‍ തെരുവുനാടകം അവതരിപ്പിച്ചു.
പര്യടനം ഇന്നു രണ്ടിനു കാസര്‍കോട് പുതിയ ബസ് സ്റ്റാന്‍ഡില്‍ സമാപിക്കും.