മൂവാറ്റുപുഴ: കാലാമ്പൂര്‍ ക്ഷീരോല്‍പാദക സഹകരണ സംഘത്തിന്റെ ആഭിമുഖ്യത്തില്‍ ക്ഷീരകര്‍ഷകര്‍ക്ക് വേനല്‍കാല ഇന്‍സന്റീവ് വിതരണവും പാല്‍പാത്ര വിതരണവും നടത്തി. ഇതോടനുബന്ധിച്ച് നടന്ന പൊതുസമ്മേളനം എല്‍ദോ എബ്രഹാം എം.എല്‍.എ ഉദ്ഘാടനം ചെയ്തു.
ക്ഷീരസംഘം പ്രസിഡന്റ് ജോണ്‍ തെരുവത്ത്  അദ്ധ്യക്ഷത വഹിച്ചു. ഇന്‍സെന്റീവ് വിതരണോദ്ഘാടനം ജില്ലാപഞ്ചായത്ത് വികസനകാര്യ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ ഡോളി കുര്യാക്കോസ് നിര്‍വഹിച്ചു.
ആയവന ഗ്രാമപഞ്ചായത്ത് പ്രസിഡന്റ് സാബു വള്ളോംകുന്നേല്‍ പാല്‍പാത്ര വിതരണം നടത്തി. ടി.പി. മര്‍ക്കോസ്, സിന്ധു ബെന്നി, എം.എ. മത്തായി, വി.എല്‍. ലൂയിസ്,  ജെയിംസ് ജോസഫ് സംഘം സെക്രട്ടറി എ.ജി. ഗീത, ഗ്രേസി മത്തായി എന്നിവര്‍ പ്രസംഗിച്ചു.