തിരുവനന്തപുരം: ഇടതുരാഷ്ട്രീയം അതിസങ്കീര്‍ണമായ അവസ്ഥയിലൂടെ കടന്നുപൊയ്‌ക്കൊണ്ടിരിക്കുകയാണെന്നും കടുംപിടുത്തം തുടര്‍ന്നാല്‍ കാലക്രമേണ ഇടതുപക്ഷമെന്നത് ഇല്ലാതെയാകുമെന്നും എഴുത്തുകാരനും ചിന്തകനുമായ ടി.ഡി രാമകൃഷ്ണന്‍. ഒരു ഓണ്‍ലൈന്‍ മാധ്യമത്തിന് അനുവദിച്ച അഭിമുഖത്തില്‍ സംസാരിക്കുകയായിരുന്നു അദ്ദേഹം. വംശീയമായും വര്‍ഗീയമായും ധ്രുവീകരണം നടക്കുന്ന കാലത്ത് അതിനെതിരേ നില്‍ക്കുന്ന പ്രതിരോധം എന്ന നിലയില്‍ എത്ര കണ്ടു ദുര്‍ബലമാണെങ്കിലും പ്രതീക്ഷയുണര്‍ത്തുന്ന ഒന്നായാണ് ഇടതുപക്ഷത്തെ കാണേണ്ടതെന്നും അദ്ദേഹം വ്യക്തമാക്കി.