HOME
DETAILS

കണ്ണട വിവാദം: സ്പീക്കറെ കളിയാക്കി കലക്ടര്‍ ബ്രോ

  
backup
February 05 2018 | 03:02 AM

%e0%b4%95%e0%b4%a3%e0%b5%8d%e0%b4%a3%e0%b4%9f-%e0%b4%b5%e0%b4%bf%e0%b4%b5%e0%b4%be%e0%b4%a6%e0%b4%82-%e0%b4%b8%e0%b5%8d%e0%b4%aa%e0%b5%80%e0%b4%95%e0%b5%8d%e0%b4%95%e0%b4%b1%e0%b5%86-%e0%b4%95


മലപ്പുറം: കണ്ണട വിവാദത്തില്‍ സ്പീക്കര്‍ പി. ശ്രീരാമകൃഷ്ണനെ കണക്കിന് കളിയാക്കി കോഴിക്കോട് മുന്‍ ജില്ലാ കലക്ടറും കേന്ത്രമന്ത്രി അല്‍ഫോന്‍സ് കണ്ണന്താനത്തിന്റെ പ്രൈവറ്റ് സെക്രട്ടറിയുമായ പ്രശാന്ത് നായര്‍. ഫേസ് ബുക്ക് പോസ്റ്റിലൂടെയാണ് കലക്ടര്‍ ബ്രോയുടെ വിമര്‍ശനം.
വില കൂടിയ കണ്ണട വാങ്ങാനാകാതെ പരുങ്ങി ഒടുവില്‍, മറ്റൊരു കടയില്‍നിന്ന് 5000 രൂപക്ക് കണ്ണട വാങ്ങിയ കഥയാണ് പ്രശാന്ത് നായര്‍ വിവരിക്കുന്നത്. പത്ത് വര്‍ഷമായി സര്‍ക്കാര്‍ ജോലിയില്‍. വലിയ തുക ചെലവായ അവസരങ്ങള്‍ ഉണ്ടായിട്ടും ഇതുവരെ മരുന്നിനും ആശുപത്രിക്കും ചികിത്സക്കും ചെലവായ തുക സര്‍ക്കാരില്‍നിന്ന് എഴുതി വാങ്ങിയിട്ടില്ലെന്നും പോസ്റ്റില്‍ പറയുന്നു. എന്നെങ്കിലും ക്ലെയിം ചെയ്ത് തുടങ്ങേണ്ടി വരും എന്നറിയാം. ഡിങ്കാനുഗ്രഹത്താല്‍ വലിയ അസുഖങ്ങളൊന്നും വരാതെ, ക്ലെയിം ചെയ്യാന്‍ അവസരം ഉണ്ടാവാതിരിക്കട്ടെ എന്ന് പ്രാര്‍ഥിച്ചുകൊണ്ടാണ് പോസ്റ്റ് തുടങ്ങുന്നത്. വില കൂടിയ കണ്ണട മാത്രം കാണിച്ചു കൊടുക്കുന്ന സെയില്‍സ്മാനെ കാര്യങ്ങള്‍ പറഞ്ഞു ബോധ്യപ്പെടുത്തിയിട്ടും 75,000 രൂപയുടെ കണ്ണടയെടുക്കാന്‍ നിര്‍ബന്ധിച്ചപ്പോള്‍ ബിസ്മില്ല കേള്‍ക്കുന്ന ആടിന്റെ മാനസികാവസ്ഥയായിരുന്നു തനിക്കെന്നും പ്രശാന്ത് നായര്‍ പോസ്റ്റില്‍ വിവരിക്കുന്നു.

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."