കോഴിക്കോട്: കോഴിക്കോട്ട് നടക്കുന്ന എസ്.എഫ്.ഐ ദേശീയ സമ്മേളനത്തിന്റെ റാലിക്കായി വിദ്യാര്‍ഥികളെ സ്‌കൂളില്‍ നിന്ന് ഇറക്കികൊണ്ടുപോയതായി പരാതിയെന്ന് റിപ്പോര്‍ട്ട്. കോഴിക്കോട് മെഡിക്കല്‍ കോളജ് ക്യാമ്പസ് ഹയര്‍സെക്കണ്ടറി സ്‌കൂള്‍ വിദ്യാര്‍ത്ഥികളെയാണ് റാലിയില്‍ പങ്കെടുക്കിപ്പിക്കാന്‍ കൊണ്ടുപോയത്. ഹയര്‍സെക്കണ്ടരി പ്രിന്‍സിപ്പല്‍ തന്നെയാണ് ഇക്കാര്യം ചൂണ്ടിക്കാട്ടി പരാതി നല്‍കിയതെന്നും സ്വകാര്യ ചാനലിന്റെ റിപ്പോര്‍ട്ടില്‍ പറയുന്നു.  പഠിപ്പ് മുടക്ക് നോട്ടിസ് കാണിച്ചാണ് സമ്മേളനത്തിന് കൊണ്ടുപോയതെന്നാണ് പ്രിന്‍സിപ്പല്‍ പറയുന്നത്. 

ALSO READ: 'അവര്‍ ദൈവത്തിന്റെ ശത്രുക്കള്‍, അവരുടെ ചെയ്തിയില്‍ ഖേദിക്കേണ്ടി വരുന്നിടത്തേക്ക് അവരെ എത്തിക്കുക' ട്രംപിനും നെതന്യാഹുവുനുമെതിരെ ഇറാന്‍ പണ്ഡിതന്‍

ഏഴ് എസ്.എഫ്.ഐ പ്രവര്‍ത്തകരെത്തി പഠിപ്പ് മുടക്ക് ഉണ്ടെന്ന് കാണിച്ച് നോട്ടീസ് നല്‍കിയാണ് കുട്ടികളെ കൊണ്ടുപോയത്. സമ്മേളനം നടക്കുന്നുണ്ടെന്നും അതില്‍ വിദ്യാര്‍ഥികള്‍ പഠിപ്പു മുടക്കി പങ്കെടുക്കണമെന്നുമാണ് നോട്ടില്‍ പറയുന്നതെന്നും പ്രിന്‍സിപ്പാള്‍ ടി.സുനില്‍ പറഞ്ഞു.