ഡല്‍ഹി: ഭരണഘടനയെ ചൊല്ലിയുള്ള വിവാദത്തില്‍ ശക്തമായ പ്രതികരണവുമായി കോണ്‍ഗ്രസ് അധ്യക്ഷന്‍ മല്ലികാര്‍ജ്ജുന്‍ ഖാര്‍ഗെ രംഗത്ത്. ഭരണഘടനയില്‍ കൈവെക്കാന്‍ ശ്രമിച്ചാല്‍ എല്ലാ ശക്തിയും ഉപയോഗിച്ച് എതിര്‍ക്കുമെന്ന് അദ്ദേഹം വ്യക്തമാക്കി. ആര്‍എസ്എസിന് പാവപ്പെട്ടവര്‍ മുന്നേറുന്നത് അംഗീകരിക്കാനാവുന്നില്ലെന്നും, അതിനാലാണ് മതേതരത്വം, സോഷ്യലിസം തുടങ്ങിയ ആശയങ്ങള്‍ അവര്‍ക്ക് ദഹിക്കാത്തതെന്നും ഖാര്‍ഗെ ആരോപിച്ചു.

ആമുഖത്തിലെ 'സോഷ്യലിസ്റ്റ്', 'മതേതര' എന്നീ വാക്കുകള്‍ പുനഃപരിശോധിക്കണമെന്ന ആര്‍എസ്എസ് ജനറല്‍ സെക്രട്ടറി ദത്താത്രേയ ഹൊസബാലെയുടെ ആഹ്വാനത്തോട് പ്രതികരിക്കുകയായിരുന്നു അദ്ദേഹം.

ALSO READ: ട്രെയിൻ ടിക്കറ്റ് നിരക്ക് വർധിപ്പിച്ചു; നാളെ മുതൽ പ്രാബല്യത്തിൽ; സബര്‍ബന്‍, സീസണ്‍ ടിക്കറ്റുകള്‍ക്ക് നിരക്ക് വര്‍ധന ബാധകമല്ല

'പാവപ്പെട്ടവര്‍ ഉയര്‍ന്നുവരണമെന്ന് അദ്ദേഹം ആഗ്രഹിക്കുന്നില്ല. ആയിരക്കണക്കിന് വര്‍ഷങ്ങള്‍ക്ക് മുമ്പ് ആചരിച്ചിരുന്നത് തുടരണമെന്ന് അദ്ദേഹം ആഗ്രഹിക്കുന്നു. അതുകൊണ്ടാണ് അദ്ദേഹത്തിന് സോഷ്യലിസം, മതേതരത്വം, സ്വാതന്ത്ര്യം, സമത്വം, സാഹോദര്യം എന്നിവ ഇഷ്ടപ്പെടാത്തത്,' ഖാര്‍ഗെ പറഞ്ഞു.

'ആര്‍.എസ്.എസ് എപ്പോഴും ദരിദ്രര്‍ക്കും, പിന്നാക്കക്കാര്‍ക്കും, പട്ടികജാതിക്കാര്‍ക്കും, മറ്റ് സമുദായങ്ങള്‍ക്കും എതിരാണ്. അവര്‍ക്ക് അത്ര താല്പര്യമുണ്ടെങ്കില്‍, തൊട്ടുകൂടായ്മ നീക്കം ചെയ്യാമായിരുന്നു. അവര്‍ ഹിന്ദു മതത്തിന്റെ വക്താക്കളാണെന്ന് അവകാശപ്പെടുന്നു. അങ്ങനെയാണെങ്കില്‍, തൊട്ടുകൂടായ്മ നീക്കം ചെയ്യണം,' ഖാര്‍ഗെ കൂട്ടിച്ചേര്‍ത്തു.

Congress President Mallikarjun Kharge has issued a strong warning against any attempts to alter the Constitution, vowing to resist such moves with all might. Kharge criticized the RSS, stating that they can't accept the progress of the poor and marginalized, which is why they find it hard to digest concepts like secularism and socialism. This comes amid a growing controversy over the Constitution ¹.