HOME
DETAILS

ബിനോയ് കോടിയേരി ഉള്‍പെട്ട പണമിടപാട്: രാഖുല്‍ കൃഷ്ണയും നിയമനടപടിക്ക്

  
backup
February 05 2018 | 03:02 AM

kerala-05-02-18-binoy-kodiyeri-case

കരുനാഗപ്പള്ളി: ബിനോയ് കോടിയേരിയുള്‍പെട്ട സാമ്പത്തിക തട്ടിപ്പു കേസില്‍ ശ്രീജിത്തുമായി ബന്ധപ്പെട്ട വാര്‍ത്തകള്‍ വിലക്കിയതിനെതിരെ രാഖുല്‍ കൃഷ്ണ കോടതിയെ സമീപിക്കും. വാര്‍ത്ത വിലക്കിയ വിധിപ്പകര്‍പ്പ് ആവശ്യപ്പെട്ട് രാഖുല്‍ ഇന്ന് അപേക്ഷ നല്‍കും. കരുനാഗപ്പള്ളി കോടതിയെയാണ് സമീപിക്കുന്നത്. പരാതിയുടെ പകര്‍പ്പും ആവശ്യപ്പെടും. തങ്ങളുടെ ഭാഗം കേട്ടില്ലെന്ന് കോടതിയെ അറിയിക്കും.

 എന്‍. വിജയന്‍പിള്ള എം.എല്‍.എയുടെ മകന്‍ വി. ശ്രീജിത്തുമായി ബന്ധപ്പെട്ട് ദുബൈയില്‍ നിലവിലുള്ള കേസില്‍ മാധ്യമങ്ങളില്‍ ചര്‍ച്ചകളോ റിപ്പോര്‍ട്ടിങോ നടത്തരുതെന്ന് കഴിഞ്ഞ ദിവസം കോടതി ഉത്തരവിട്ടിരുന്നു. രാഖുല്‍ കൃഷ്ണ എന്ന വ്യക്തി തന്റെ പേര് ദുരുപയോഗം ചെയ്യുന്നുവെന്ന് കാണിച്ച് ശ്രീജിത്ത് സമര്‍പ്പിച്ച ഹരജിയിലാണ് കരുനാഗപ്പള്ളി സബ് കോടതിയുടെ ഉത്തരവ്.

ചവറ പൊലിസ് സ്റ്റേഷനിലെ കേസിനെ സംബന്ധിച്ചോ, മാവേലിക്കര ജുഡീഷ്യല്‍ മജിസ്‌ട്രേറ്റ് കോടതിയിലെ കേസിനെ സംബന്ധിച്ചോ അതുമായി ബന്ധപ്പെട്ട മറ്റ് വിഷയങ്ങളെക്കുറിച്ചോ ഇനിയൊരു ഉത്തരവ് ഉണ്ടാകുന്നതുവരെ ചര്‍ച്ചകളോ വാര്‍ത്തകളോ പാടില്ലെന്നാണ് ഉത്തരവില്‍ പറയുന്നത്.

തിരുവനന്തപുരം പ്രസ് ക്ലബിനും മാധ്യമ സ്ഥാപനങ്ങള്‍ക്കും വിലക്കുമായി ബന്ധപ്പെട്ട് കോടതി നോട്ടിസ് അയച്ചിട്ടുണ്ട്.











Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."