നാദാപുരം: കഴിഞ്ഞ ദിവസം വൈകിട്ട് കുമ്മംകോട്ടുണ്ടായ ശക്തമായ ഇടിമിന്നലില്‍ വീടിനു സാരമായ കേടുപറ്റി.
കുമ്മംകോട്ടെ ചൂര്യംകുനി ഷംസുവിന്റെ വീടിനാണ് നാശം സംഭവിച്ചത്. ഇടിയുടെയും മിന്നലിന്റെയും ശക്തിയില്‍ ബെഡ് റൂമിന്റെ വാതില്‍പടി കഷ്ണങ്ങളായി ചിതറിത്തെറിച്ചു.
അകത്തെ കോണ്‍ ക്രീറ്റ് സീലിങ്, അടുക്കള വരാന്തയുടെ ചുമര്‍, മുകള്‍ ഭാഗത്തെ സാന്‍ ഷെയിഡ് എന്നിവയും തകര്‍ന്ന നിലയിലാണ്.
ആളൊഴിഞ്ഞ സമയത്ത് അപകടം നടന്നതിനാല്‍ അത്യാഹിതം ഒഴിവാകുകയായിരുന്നു. ഒരു ലക്ഷം രൂപയുടെ നഷ്ടം കണക്കാക്കുന്നു. റവന്യൂ അധികൃതര്‍ക്ക് പരാതി നല്‍കി.