ദോഹ: ഫോർമുല വൺ കാറോട്ട മത്സരങ്ങൾക്ക് നാളെ ഖത്തറിൽ തുടക്കം. ഞായറാഴ്‌ച രാത്രിയാണ് വേഗരാജാവിനെ കണ്ടെത്തുന്ന പോരാട്ടം നടക്കുന്നത്. മിശൈരിബിൽ ഫാൻ സോണിനും നാളെ തുടക്കമാകും.
 
ലുസൈൽ സർക്യൂട്ടിൽ റെഡ് ബുള്ളിൻ്റെ മാക്‌സ് വെസ്‌തപ്പൻ ഒരിക്കൽ കൂടി വേഗരാജാവാകുമോ എന്നാണ് എല്ലാവരും ഉറ്റുനോക്കുന്നത്. ഇതിനകം തന്നെ ഫോർമുല വൺ ചാമ്പ്യനായി കഴിഞ്ഞ വെസ്‌താപ്പൻ ലാസ് വേഗാസിൽ അഞ്ചാമതായാണ് ഫിനിഷ് ചെയ്തത്. നാളെ ഉച്ചയ്ക്ക് രണ്ടര മുതൽ പ്രാക്ടീസ് സെഷനുകൾ തുടങ്ങും. ഞായറാഴ്‌ച രാത്രി 8 മുതലാണ് മത്സരം ആരംഭിക്കുക.

ക്വാളിഫൈയിങ് റേസും സ്പ്രിൻ്റ് റേസുമാണ് ശനിയാഴ്ച നടക്കുക. ആരാധകർക്കായി വിവിധ പരിപാടികളാണ് ലുസൈൽ സെർക്യൂട്ടിൽ ഒരുക്കിയിട്ടുള്ളത്. കൂടാതെ ബറാഹത്ത് മിശൈരിബിൽ ആരാധകർക്കായി ഫാൻ സോണും തയ്യാറാക്കിയിട്ടുണ്ട്. പ്രവേശനം സൗജന്യമാണ്.

Get ready for the ultimate racing experience as the Formula One racing championship is set to kick off in Qatar tomorrow.