കൊച്ചി: ഇന്ത്യന്‍ സൂപ്പര്‍ ലീഗില്‍ കേരള ബ്ലാസ്റ്റേഴ്‌സിനു വീണ്ടും തോൽവി.തുടർ പരാജയങ്ങൾക്കു ശേഷം കഴിഞ്ഞ മത്സരത്തിൽ ചെന്നൈയിനെ തോൽപ്പിച്ച് വിജയ വഴിയിലേക്ക് തിരിച്ചെത്തിയ കേരള ബ്ലാസ്റ്റേഴ്സ് ഇന്ന് വീണ്ടും തോൽവി വഴങ്ങിയിരിക്കുകയാണ് സ്വന്തം മൈതാനത്ത്. 

മറുപടിയില്ലാത്ത ഒറ്റ ഗോളിന് ബ്ലാസ്‌റ്റേഴ്‌സിനെ എഫ്‌സി ഗോവ വീഴ്ത്തിയത്. കളിയുടെ 40ാം മിനിറ്റില്‍ ബോറിസ് സിങ് തങ്ജമാണ് ഗോവയുടെ വിജയ ഗോള്‍ നേടിയത്.

ആക്രമണത്തിലും പന്തടക്കത്തിലും ആധിപത്യം പുലര്‍ത്താന്‍ ബ്ലാസ്റ്റേഴ്‌സിനായി. എന്നാല്‍ ലക്ഷ്യത്തിലേക്ക് പന്തെത്തിക്കാന്‍ ടീമിനു കഴിഞ്ഞില്ല.തോല്‍വിയോടെ ടീം പത്താം സ്ഥാനത്തേക്ക് വീണിരിക്കുകയാണ്. ഗോവ അഞ്ചാമത്. തോല്‍വി ബ്ലാസ്‌റ്റേഴ്‌സിന്റെ നോക്കൗട്ട് സാധ്യതകളേയും ബാധിക്കുന്നതാണ്.