ധാക്ക: ശ്രീലങ്കക്കെതിരായ രണ്ടാം ക്രിക്കറ്റ് ടെസ്റ്റില്‍ ബംഗ്ലാദേശ് തകരുന്നു. ശ്രീലങ്കയുടെ ആദ്യ ഇന്നിങ്‌സ് 222 റണ്‍സില്‍ അവസാനിപ്പിച്ച് ഒന്നാം ഇന്നിങ്‌സ് തുടങ്ങിയ ബംഗ്ലാദേശ് ഒന്നാം ദിനം കളി നിര്‍ത്തുമ്പോള്‍ നാല് വിക്കറ്റ് നഷ്ടത്തില്‍ 56 റണ്‍സെന്ന നിലയില്‍ പരുങ്ങുന്നു.
ആറ് വിക്കറ്റുകള്‍ ശേഷിക്കേ ലങ്കന്‍ സ്‌കോറിനൊപ്പമെത്താന്‍ അവര്‍ക്ക് 166 റണ്‍സ് കൂടി വേണം. കളി നിര്‍ത്തുമ്പോള്‍ 24 റണ്‍സുമായി ലിറ്റന്‍ ദാസും അഞ്ച് റണ്‍സുമായി മെഹെയ്ദി ഹസനുമാണ് ക്രീസില്‍. ലങ്ക നിരയില്‍ സുരംഗ ലക്മല്‍ രണ്ടും ദില്‍റുവന്‍ പെരേര ഒരു വിക്കറ്റും വീഴ്ത്തി.
ടോസ് നേടി ബാറ്റിങ് തിരഞ്ഞെടുത്ത ലങ്ക കുശാല്‍ മെന്‍ഡിസ് (68), റോഷന്‍ സില്‍വ (56) എന്നിവരുടെ അര്‍ധ സെഞ്ച്വറിയുടെ കരുത്തിലാണ് 222 റണ്‍സിലെത്തിയത്. നാല് വീതം വിക്കറ്റുകള്‍ വീഴ്ത്തിയ അബ്ദുര്‍ റസാക്, തയ്ജുല്‍ ഇസ്‌ലാം എന്നിവരുടെ ബൗളിങ് ലങ്കന്‍ ബാറ്റിങിന്റെ നട്ടെല്ലൊടിച്ചു. മുസ്തഫിസുര്‍ റഹ്മാന്‍ രണ്ട് വിക്കറ്റെടുത്തു.