കോഴിക്കോട്: ഫാറൂഖ് കോളജ് ഹയര്‍സെക്കന്‍ഡറി സ്‌കൂളില്‍ നടന്ന 11-ാമത് സെപ്റ്റ് ഫെസ്റ്റില്‍ അണ്ടര്‍ 14 വിഭാഗത്തില്‍ ബേപ്പൂര്‍ സെപ്റ്റ് സെന്റര്‍ ജേതാക്കളായി. പാലയാട് സെന്ററിനാണു രണ്ടാംസ്ഥാനം.
അണ്ടര്‍ 12 വിഭാഗത്തില്‍ കാളികാവ് സെന്റര്‍ ജേതാക്കളായി. കോഴിക്കോട് വി.പി സത്യന്‍ സോക്കര്‍ സ്‌കൂള്‍ സെപ്റ്റ് സെന്ററിനാണു രണ്ടാംസ്ഥാനം. അണ്ടര്‍ പത്ത് വിഭാഗക്കാര്‍ക്കുള്ള സ്‌കില്‍ ടെസ്റ്റില്‍ ആദില്‍ ബാബു, വി.പി സത്യന്‍ അവാര്‍ഡിന് അര്‍ഹനായി. 40 പേര്‍ ടെസ്റ്റില്‍ പങ്കെടുത്തു. സംസ്ഥാന സ്‌പോര്‍ട്‌സ് കൗണ്‍സില്‍ മുന്‍ പ്രസിഡന്റ് ടി.പി ദാസന്‍ ഉദ്ഘാടനം ചെയ്തു. അണ്ടര്‍ വിഭാഗത്തിന്റെ പാസിങ് ഔട്ട് പരേഡില്‍ പങ്കെടുത്ത 19 സെന്ററുകളില്‍ നിന്നുള്ള 420 കുട്ടികള്‍ക്കുള്ള കോഴ്‌സ് ഉപഹാര വിതരണം ഒഡീസിയ ഗ്രൂപ്പ് ചെയര്‍മാന്‍ സി. ശശിധരനും സര്‍ട്ടിഫിക്കറ്റ് വിതരണം കെ.ഡി.എഫ്.എ സെക്രട്ടറി പി. ഹരിദാസും നിര്‍വഹിച്ചു.
പ്രൊഫ. ടി.എം അബ്ദുറഹ്മാന്‍ അധ്യക്ഷനായി. ഫാറൂഖ് ഹയര്‍സെക്കന്‍ഡറി പ്രിന്‍സിപ്പല്‍ എം.എ നജീബ്, ഹെഡ്മാസ്റ്റര്‍ ഹാഷിം, ഇഖ്ബാല്‍ മാസ്റ്റര്‍, കെ.ഡി.എഫ്.എ വൈസ് പ്രസിഡന്റ് സി. ഉമര്‍, സെപ്റ്റ് ചെയര്‍മാന്‍ അരുണ്‍നാണു, സി. സേതുമാധവന്‍, വി.എ ജോസ്, ഷേര്‍ളി സുരേഷ് പ്രസംഗിച്ചു.