ദുബൈ: അന്താരാഷ്ട്ര ക്രിക്കറ്റ് കൗണ്‍സിലിന്റെ പ്രഥമ വനിതാ ഡയറക്ടറായി പെപ്‌സികോ ചെയര്‍മാനും സി.ഇ.ഒയുമായ ഇന്ദ്ര നൂയിയെ നിയമിച്ചു. നൂയിയെ ഡയറക്ടറായി നിയമിച്ച വിവരം ഐ.സി.സിയാണ് പുറത്തുവിട്ടത്. 2018 ജൂണില്‍ ഇന്ദ്ര നൂയി സ്ഥാനമേല്‍ക്കും. ഭരണഘടനാപരമായ മാറ്റമെന്ന നിലയില്‍ 2017 ജൂണില്‍ അരങ്ങേറിയ ഐ.സി.സിയിലെ മുഴുവന്‍ അംഗങ്ങളുടേയും യോഗത്തില്‍ വച്ച് ഒരു സ്വതന്ത്ര ഡയറക്ടറെ നിയമിക്കണമെന്നും അത് വനിത തന്നെ ആകണമെന്നും തീരുമാനം പാസാക്കിയിരുന്നു. അതിന്റെ തുടര്‍ച്ചയാണ് നൂയിയുടെ നിയമനം.