ഗസ്സ സിറ്റി: തുടര്‍ച്ചയായ ഇസ്‌റാഈല്‍ ബോംബാക്രമണത്തെത്തുടര്‍ന്ന് ദുരന്തനഗരമായി വടക്കന്‍ ഗസ്സയിലെ ബയ്ത് ലാഹിയ. 110 പേരാണ് ചൊവ്വാഴ്ച ബെയ്ത് ലാഹിയയില്‍ കൊല്ലപ്പെട്ടത്. വടക്കന്‍ ഗസ്സയിലെ സ്ഥിതി ദുരന്തപൂര്‍ണമാണെന്നും ഭക്ഷണവും വെള്ളവുമില്ലാതെ ജനങ്ങള്‍ ദുരിതം പേറുകയാണെന്നും യു.എന്‍ അഭയാര്‍ഥി ഏജന്‍സിയിലെ മുതിര്‍ന്ന ഉദ്യോഗസ്ഥന്‍ പ്രതികരിച്ചു.

അതേസമയം, തെക്കന്‍ ലബനാനിലെ എട്ട് നഗരങ്ങളില്‍ നിന്നും ഇസ്‌റാഈല്‍ സേന ഒഴിഞ്ഞുപോകല്‍ മുന്നറിയിപ്പ് നല്‍കി. സുരക്ഷ മുന്‍നിര്‍ത്തി എത്രയും വേഗം വീടുകളില്‍നിന്ന് മാറി അവാലി നദിയുടെ വടക്ക് ഭാഗത്തേക്ക് നീങ്ങണമെന്നാണ് നിര്‍ദേശം. രാജ്യത്തിന്റെ തെക്കന്‍ ഭാഗത്തെ നിരവധി ഗ്രാമങ്ങളില്‍നിന്ന് ഇതിനകം തന്നെ ജനങ്ങളെ ഒഴിപ്പിച്ചിട്ടുണ്ട്. ലബനാന്റെ വിസ്തൃതിയുടെ നാലിലൊന്ന് വരുന്ന ഭാഗത്തും ഒഴിപ്പിക്കല്‍ നടന്നതായി യു.എന്‍ വിലയിരുത്തുന്നു.

അതേസമയം, ലബനാനില്‍നിന്നയച്ച അഞ്ച് ഡ്രോണുകള്‍ തകര്‍ത്തതായും, ഒരെണ്ണം വടക്കന്‍ ഇസ്‌റാഈലിലെ നഹാരിയയിലുള്ള വ്യവസായ മേഖലയില്‍ പതിച്ചുവെന്നും ഇസ്‌റാഈല്‍ സൈന്യം അറിയിച്ചു. വിമാന ഉപകരണങ്ങള്‍ നിര്‍മിക്കുന്ന ഒരു ഫാക്ടറിയിലാണ് ഇത് പതിച്ചതെന്ന് ഇസ്‌റാഈല്‍ മാധ്യമങ്ങള്‍ റിപ്പോര്‍ട്ട് ചെയ്തു.

A devastating escalation of violence in Gaza's Beit Lahia has resulted in the deaths of 110 Palestinians, sparking widespread concern and condemnation from the international community.