തൃശൂര്‍: തൃശൂര്‍ ലോക്‌സഭാ തെരഞ്ഞെടുപ്പിനിടെ മതചിഹ്നം ഉപയോഗിച്ച് വോട്ട് തേടിയെന്ന പരാതിയില്‍ സുരേഷ് ഗോപിക്ക് ഹൈക്കോടതി നോട്ടീസയച്ചു. തെരഞ്ഞെടുപ്പ് റദ്ദാക്കണമെന്ന് ആവശ്യപ്പെട്ട് എ.ഐ.വൈ.എഫ് നേതാവ് എ.എസ് ബിനോയ് നല്‍കിയ ഹരജിയിലാണ് കോടതി നടപടി. മൂന്നാഴ്ച്ചക്കകം മറുപടി നല്‍കാനാണ് നിര്‍ദേശം. 

തെരഞ്ഞെടുപ്പ് പെരുമാറ്റച്ചട്ടം ലംഘിച്ചെന്ന് ചൂണ്ടിക്കാട്ടിയാണ് പരാതി. വോട്ടെടുപ്പ് ദിനത്തില്‍ മതചിഹ്നം ഉപയോഗിച്ച് ബി.ജെ.പി, എന്‍.ഡി.എ നേതാക്കള്‍ വോട്ടര്‍മാരെ സ്വാധീനിച്ചു. ശ്രീരാമന്റെ പേരില്‍ വോട്ട് ചെയ്യണമെന്ന് പറഞ്ഞ ബിജെപി ദേശീയ ഉപാധ്യക്ഷന്‍ എപി അബ്ദുല്ലക്കുട്ടിയുടെ പരാമര്‍ശവും ഹരജിയില്‍ ചൂണ്ടിക്കാട്ടി. 

മാര്‍ച്ച് 30ന് ഇരിങ്ങാലക്കുട റാണ പൂതംക്കുളം മൈതാനിയില്‍ നടന്ന തെരഞ്ഞെടുപ്പ് പ്രചരണ സമ്മേളനത്തിലാണ് അബ്ദുല്ലക്കുട്ടി ശ്രീരാമന്റെ പേരില്‍ വോട്ടഭ്യര്‍ഥിച്ചത്. ഇതെല്ലാം സുരേഷ് ഗോപിയുടെ അറിവോടെയാണെന്നുമാണ് ബിനോയ് നല്‍കിയ ഹരജിയിലുള്ളത്.

high court send notice to suresh gopi on thrissur loksabha election