ആനക്കര: കല്ലടത്തൂരില്‍ ആന ഇടഞ്ഞു. ഒരു മണിക്കൂര്‍ നാട്ടുകാരെ പരിഭ്രാന്തിയിലാക്കി,ഇന്നലെ രാവിലെ പത്ത് മണിയോടെയാണ് സംഭവം ഉത്സവത്തിന്റെ ഭാഗമായുളള പറയെടുപ്പിന് കൊണ്ടുവന്ന നന്തിലത്തിന്റെ ചന്തു എന്ന കുട്ടിയാനയാണ് ഇടഞ്ഞത്. കല്ലടത്തൂര്‍ തോടിന് സമീപം കാലടി പരേതയായ സരോജിനി അമ്മയുടെ വീട്ടിലേക്ക് പറനിറപ്പിനെത്തിയ ആനയാണ് ഇടഞ്ഞത്. തോടിന് സമീപത്തുളള വീട്ടിലേക്കുളളയാത്രയില്‍ പാപ്പാനെ പിന്‍കാലുകൊണ്ട് തോട്ടിലേക്ക് തട്ടിയിടുകയായിരുന്നു.പിന്നീട് കൊമ്പ് കൊണ്ട് കുത്താനും ശ്രമിച്ചെങ്കിലും പാപ്പാന്‍ ഒഴിഞ്ഞു മാറി. ആന പരിഭ്രാന്തി പരത്തുമ്പോഴും ആനയുടെ പുറത്ത് തിടമ്പേറ്റി പൂജാരി ഉണ്ടായിരുന്നു.
ഒരു മണിക്കൂര്‍ നേരത്തെ ശ്രമ ഫലമായിട്ടാണ് ആനയെ വടമിട്ട് തളച്ചത്. ഒരു മണിക്കൂര്‍ നേരെ പൂജാരി ആനപ്പുറത്ത് ഇരിക്കേണ്ടിവന്നു.