കൊച്ചി: എറണാകുളം,ആലപ്പു, ഇടുക്കി ജില്ലകള്‍ ഉള്‍പ്പെടുന്ന ലയണസ്സ് ബോര്‍ഡ് 318 സി യുടെ ആഭിമുഖ്യത്തില്‍ ഈ മൂന്ന് ജില്ലകളില്‍ നിന്നും തിരഞ്ഞെടുക്കപ്പെട്ട 50 സ്‌കൂളുകള്‍ക്ക് സാനിറ്ററി നാപ്കിന്‍ വെന്റിങ്ങ് മെഷീനുകള്‍ വിതരണം ചെയ്തു. തൊടുപുഴ ലയണ്‍സ് ഹാളില്‍ നടന്ന ചടങ്ങില്‍ കേരള വനിതാ കമ്മീഷന്‍ ചെയര്‍പേഴ്‌സണ്‍ റോസക്കുട്ടി ടീച്ചര്‍ പദ്ധതി ഉദ്ഘാടനം ചെയ്തു. പൊതുയോഗത്തിന്റെ ഉദ്ഘാടനം മുന്‍മന്ത്രി പി.ജെ ജോസഫ് എം.എല്‍.എ നിര്‍വ്വഹിച്ചു. മെഷീനുകളുടെ വിതരണം ലയണ്‍സ് ഡിസ്ട്രിക്ട് ഗവര്‍ണര്‍ തോമസ് ജേക്കബ്ബ് നിര്‍വഹിച്ചു. ലയണസ്സ് ബോര്‍ഡ് പ്രസിഡന്റ് അനി മനോജ് അധ്യക്ഷത വഹിച്ചു. സനോജ് ഹെര്‍ബര്‍ട്ട്, ജോസ് സി. പീറ്റര്‍ , ലിസി ടോമി , ആന്‍ ജോസ് , ആലീസ് ജേക്കബ്ബ്, വിജയകുമാര്‍ പി, ടോളി കാപ്പന്‍, ജെയിന്‍ ജോര്‍ജ്ജ് എന്നിവര്‍ പ്രസംഗിച്ചു. സെബി കെ. ജോര്‍ജ്ജ് പരിശീലന പരിപാടിയില്‍ ക്‌ളാസെടുത്തു.