ലണ്ടന്‍: ഇംഗ്ലീഷ് എഫ്.എ കപ്പ് പോരാട്ടത്തില്‍ കരുത്തരായ മാഞ്ചസ്റ്റര്‍ സിറ്റിയെ ഇത്തിരക്കുഞ്ഞന്മാരായ ഹഡ്ഡേഴ്‌സ്ഫീല്‍ഡ് ടൗണ്‍ ഗോള്‍രഹിത സമനിലയില്‍ തളച്ചു. മത്സരം സമനിലയില്‍ അവസാനിച്ചതോടെ ക്വാര്‍ട്ടര്‍ ബര്‍ത്ത് ഉറപ്പിക്കാന്‍ ഇരു ടീമുകളും വീണ്ടും നേര്‍ക്കുനേര്‍ വരും.
മറ്റൊരു മത്സരത്തില്‍ പ്രീമിയര്‍ ലീഗ് ചാംപ്യന്‍മാരായ ലെയ്സ്റ്റര്‍ സിറ്റിയെ മില്‍വെല്‍ അട്ടിമറിച്ചു. മറുപടിയില്ലാത്ത ഒറ്റ ഗോളിനാണു ലെയ്സ്റ്റര്‍ പരാജയപ്പെട്ടത്. ലെയ്സ്റ്റര്‍ ക്വാര്‍ട്ടര്‍ കാണാതെ പുറത്താകുകയും ചെയ്തു.