പൂച്ചാക്കല്‍: സി.പി.എം പള്ളിപ്പുറം പഞ്ചായത്ത് കമ്മിറ്റിയുടെ ആഭിമുഖ്യത്തില്‍ ഷിബു അനുസ്മരണവും സ്മാരക അനാഛാദനവും സംഘടിപ്പിച്ചു. തവണക്കടവിലെ സ്മാരകം പാര്‍ട്ടി ജില്ലാസെക്രട്ടറി സജി ചെറിയാന്‍ അനാഛാദനം ചെയ്തു.
തുടര്‍ന്ന് നേതാക്കളും നൂറുകണക്കിന് പ്രവര്‍ത്തകരും അനുസ്മരണസമ്മേളനം നടന്ന പള്ളിച്ചന്തയിലേക്ക് പ്രകടനമായെത്തി. അനുസ്മരണ സമ്മേളനം സി.പി.എം.കോഴിക്കോട് ജില്ലാക്കമ്മിറ്റിയംഗം കെ. പ്രേംനാഥ് ഉദ്ഘാടനം ചെയ്തു.എം.വി.രഘുവരന്‍ അദ്ധ്യക്ഷത വഹിച്ചു.
ഇരുചടങ്ങുകളിലുമായി പാര്‍ട്ടി നേതാക്കളായ കെ.പ്രസാദ്, കെ.രാജപ്പന്‍ നായര്‍, എന്‍.ആര്‍.ബാബുരാജ്, എ.എസ്.സാബു, പി.ആര്‍.ഹരിക്കുട്ടന്‍, സി.ശ്യാംകുമാര്‍, എന്‍.ആര്‍.രാജേഷ്, എം.കെ.സിബു തുടങ്ങിയവര്‍ സംബന്ധിച്ചു.