ചെമ്മാട് (ഹിദായ നഗര്‍): മാതൃകാപരമായ നേതൃഗുണത്തിന്റെ നല്ല പാഠങ്ങള്‍ക്കും ചര്‍ച്ചകള്‍ക്കും വഴിയൊരുക്കി ലീഡേഴ്‌സ് പാര്‍ലമെന്റ് സമാപിച്ചു. ചെമ്മാട് ദാറുല്‍ ഹുദാ ഇസ്‌ലാമിക് യൂനിവേഴ്‌സിറ്റി കാംപസില്‍ എസ്.കെ.എസ്.എസ്.എഫ് സംസ്ഥാന കമ്മിറ്റി 'നേരിനൊപ്പം ഒത്തുചേരാം' എന്ന പ്രമേയത്തില്‍ നടത്തിയ മെമ്പര്‍ഷിപ്പ് കാംപയിനിന്റെ സമാപനമായി സംഘടിപ്പിച്ച 'വിവിസേ 18' ജനറല്‍ കൗണ്‍സിലോടെയാണ് ഇന്നലെ അവസാനിച്ചത്.
ഇന്നലെ രാവിലെ നടന്ന പുതിയ കൗണ്‍സില്‍ അസംബ്ലി പാണക്കാട് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്തു. സംസ്ഥാന പ്രസിഡന്റ് പാണക്കാട് സയ്യിദ് ഹമീദലി ശിഹാബ് തങ്ങള്‍ അധ്യക്ഷനായി. നാസര്‍ ഫൈസി കൂടത്തായി മുഖ്യപ്രഭാഷണം നടത്തി. റഹീം ചുഴലി, അഹ്മദ് ഫൈസി എന്നിവര്‍ പുതിയ കൗണ്‍സിലര്‍മാര്‍ക്കുളള പരിശീലനത്തിന് നേതൃത്വം നല്‍കി.
ഉച്ചക്ക് ശേഷം നടന്ന 'ബാക്ക് ടു പാസ്റ്റ്' സെഷന്‍ സയ്യിദ് മുഹമ്മദ് കോയ തങ്ങള്‍ ജമലുല്ലൈലി ഉദ്ഘാടനം ചെയ്തു. ഹമീദ് ഫൈസി അമ്പലക്കടവ്, എ.എം പരീത്എറണാകുളം, ഒ.കെ.എം കുട്ടി ഉമരി, എം.പി കടുങ്ങല്ലൂര്‍, ഹാരിസ് ബാഖവി കമ്പളക്കാട്, സലാം ഫൈസി ഒളവട്ടൂര്‍, സലീം എടക്കര, സാലിം ഫൈസി കൊളത്തൂര്‍, യു. ശാഫി ഹാജി എന്നിവര്‍ പ്രസംഗിച്ചു.
പുതിയ സംസ്ഥാന നേതൃത്വത്തെ കണ്ടെത്തുന്നതിനുള്ള തെരഞ്ഞെടുപ്പിന് ശാഹുല്‍ ഹമീദ് മാസ്റ്റര്‍ മേല്‍മുറി നേതൃത്വം നല്‍കി. ചടങ്ങില്‍ കെ.എം. സൈതലവി ഹാജി, സിദ്ദീഖ് ഹാജി ചെറുമുക്ക്, ചെറീത് ഹാജി, സി. യൂസുഫ് ഫൈസി, കെ.പി ശംസുദ്ദീന്‍ ഹാജി, ഹംസ ഹാജി, പി.കെ നാസര്‍ ഹുദവി കൊളപ്പുറം തുടങ്ങിയവര്‍ സംബന്ധിച്ചു.