കണ്ണൂര്‍: യൂത്ത് കോണ്‍ഗ്രസ് നേതാവ് ശുഹൈബ് എടയന്നൂരിനെ വെട്ടിക്കൊന്ന കേസില്‍ അറസ്റ്റിലായ ആകാശ് തില്ലങ്കേരിയുടെ പാര്‍ട്ടി ബന്ധം വ്യക്തമാക്കി സി.പി.എം ജില്ലാ സെക്രട്ടറി പി. ജയരാജന്‍.
ആകാശ് സി.പി.എമ്മിന്റെ ബ്രാഞ്ച് അംഗമാണെന്നും ഇക്കാര്യം നിഷേധിക്കുന്നില്ലെന്നും എന്നാല്‍, കൃത്യത്തില്‍ ആകാശിന് പങ്കുണ്ടോയെന്ന് പാര്‍ട്ടി അന്വേഷിക്കുമെന്നും ജയരാജന്‍ മാധ്യമപ്രവര്‍ത്തകരോടു പറഞ്ഞു. പൊലിസ് അന്വേഷണത്തിനേക്കാള്‍ വിശ്വാസം പാര്‍ട്ടി അന്വേഷണത്തിലാണ്.
സംഭവം പാര്‍ട്ടി അന്വേഷിക്കും. പാര്‍ട്ടിക്കാര്‍ ഉള്‍പ്പെട്ടിട്ടുണ്ടെങ്കില്‍ നടപടിയെടുക്കുമെന്ന് നേരത്തെ വ്യക്തമാക്കിയിട്ടുള്ളതാണെന്നും ജയരാജന്‍ പറഞ്ഞു.