ജിദ്ദ: അല്‍ഹസ്സ നഗരത്തിനു സമീപം അല്‍ഉയൂന്‍ മണല്‍ക്കാട്ടില്‍ കാണപ്പെട്ട മലയാളി ദമ്പതികളുടെ മൃതദേഹങ്ങള്‍ സൗഉദി പൊലിസില്‍ നിന്ന് വിട്ടുകിട്ടാന്‍ വൈകും. ഇത് സംബന്ധിച്ചുള്ള അന്വേഷണം പൂര്‍ത്തിയായതിന് ശേഷമേ മൃതദേഹങ്ങള്‍ ബന്ധുക്കള്‍ക്ക് വിട്ടുനല്‍കുകയുള്ളു. കോഴിക്കോട് നാദാപുരം സ്വദേശി കക്കട്ടില്‍ പുളിച്ചാലില്‍ കുഞ്ഞബ്ദുള്ള (38), ഭാര്യ കുനിങ്ങാട് മാഞ്ഞിരോളി മീത്തല്‍ റിസ്‌വാന (30) എന്നിവരെയാണ് കഴിഞ്ഞ ദിവസം ദുരൂഹ സാഹചര്യത്തില്‍ മരിച്ച നിലയില്‍ കണ്ടെത്തിയത്.