പാറ്റ്‌ന: വിദ്യാര്‍ഥികള്‍ക്കിടയിലേക്ക് കാര്‍ പാഞ്ഞ് കയറി ഒമ്പത് പേര്‍ മരിച്ചു. പത്ത് പേര്‍ക്ക് പരുക്കേറ്റു. കഴിഞ്ഞ ദിവസം ബിഹാറിലെ മുസഫര്‍ ജില്ലയിലെ ധരംപൂര്‍ ഗവ. മിഡില്‍ സ്‌കൂളിലെ വിദ്യാര്‍ഥികളാണ് സമീപത്തെ ദേശീയ പാതയില്‍ മരിച്ചത്.
സംഭവ സമയത്ത് ട്രക്ക് വഴിയാത്രക്കാരുടെ ദേഹത്ത് ഇടിച്ചതിനെ തുടര്‍ന്ന് വിദ്യാര്‍ഥികളും നാട്ടുകാരും ഓടിക്കൂടിയതിന്നിടയിലേക്കാണ് അമിത വേഗതയിലെത്തിയ കാര്‍ വിദ്യാര്‍ഥികള്‍ക്കിടയിലേക്ക് പാഞ്ഞു കയറിയത്. എന്നാല്‍ വിദ്യാര്‍ഥികളെ ഇടിച്ച വണ്ടി ബി.ജെ.പി നേതാവ് മനോജ് ബൈത്തയുടേതാണെന്ന് പൊലിസ് ഇന്നലെ കണ്ടെത്തി.
അപകടം നടക്കുന്ന സമയത്ത് ഇദ്ദേഹം വാഹനത്തിലുണ്ടായിരുന്നുവെന്നും പൊലിസ് പറഞ്ഞു. ഡ്രൈവര്‍ക്കൊപ്പം ഇദ്ദേഹവും രക്ഷപ്പെടുകയായിരുന്നു. സിത്മാര്‍ത്തിയിലെ ബി.ജെ.പി നേതാവാണ് ഇദ്ദേഹം.സംഭവവുമായി ബന്ധപ്പെട്ട് ആരെയും ഇതുവരെ അറസ്റ്റ് ചെയ്തിട്ടില്ല.