മുംബൈ: റിയാലിറ്റി ഷോയില്‍ പ്രായപൂര്‍ത്തിയവാത്ത പെണ്‍കുട്ടിയെ ഗായകന്‍ അങ്കാരഗ് പാപന്‍ മഹന്ദ ചുംബിച്ചതിനെ തുടര്‍ന്ന് പരിപാടിയുടെ നിര്‍മാതാവിനെതിരേ വനിതാ കമ്മിഷന്‍ നോട്ടിസയക്കും. റിയാലിറ്റി ഷോ ജഡ്ജിയായ ഗായകന്‍ പെണ്‍കുട്ടിയെ ചുംബിച്ചത് വിവാദമായിരുന്നു.
കുട്ടികളുടെ സുരക്ഷിതത്വം പരിഗണിച്ചാണ് നോട്ടിസയക്കുന്നതെന്ന് വനിതാ കമ്മിഷന്‍ മേധാവി വിജയ രട്കര്‍ പറഞ്ഞു.
സംഭവം മുംബൈ പൊലിസിന്റെ ശ്രദ്ധയില്‍പ്പെടുത്തുമെന്ന് അവര്‍ പറഞ്ഞു. ഗായകന്റെ പ്രവര്‍ത്തി സാമൂഹിക മാധ്യമങ്ങള്‍ ഉള്‍പ്പെടെയുള്ളവയില്‍ വന്‍ ചര്‍ച്ചക്ക് കാരണമായെങ്കിലും ഇതുവരെ ഇതുമായി ബന്ധപ്പെട്ട് പരാതികളൊന്നും ലഭിച്ചിട്ടില്ലെന്ന് മുംബൈ പൊലിസ് വക്താവ് ദീപക് ദേവരാജ് പറഞ്ഞു.