ന്യൂഡല്‍ഹി: വിദേശ  ഇന്ത്യക്കാരുടെ ക്ഷേമത്തിനായി പ്രവര്‍ത്തിക്കുന്ന പ്രവാസി ഡെവലപ്‌മെന്റ് റിഹാബിലിറ്റേഷന്‍ ആന്‍ഡ് വെല്‍ഫെയര്‍ സെന്ററിന്റെ ഈ വര്‍ഷത്തെ പ്രവാസിശ്രേഷ്ഠ പുരസ്‌കാരത്തിന് ആറ്റക്കോയ പള്ളിക്കണ്ടി അര്‍ഹനായി.
25,000 രൂപയും സ്വര്‍ണപ്പതക്കവും ശില്‍പവുമാണു പുരസ്‌കാരം. പ്രവാസി ഇന്ത്യക്കാര്‍ക്കു സേവനം ചെയ്യുന്ന വ്യക്തികള്‍ക്കാണ് ഓരോ വര്‍ഷവും പുരസ്‌കാരം നല്‍കിവരുന്നത്. ഡല്‍ഹിയില്‍ ചേരുന്ന പ്രവാസി ഡെവലപ്‌മെന്റ് റിഹാബിലിറ്റേഷന്‍ ആന്‍ഡ് വെല്‍ഫെയര്‍ സെന്ററിന്റെ സില്‍വര്‍ജൂബിലി സമ്മേളനത്തില്‍ പുരസ്‌കാരം സമ്മാനിക്കും.