കൊച്ചി: പ്രമുഖ വിമാന കമ്പനിയായ ഖത്തര്‍ എയര്‍വേസ് യാത്രക്കാര്‍ക്കായി ഇളവുകള്‍ പ്രഖ്യാപിച്ചു. 'ബ്രീത്‌ടേക്കിങ് എക്‌സ്പീരിയന്‍സസ്, എക്‌സ്ട്രാ ഓര്‍ഡിനറി ഓഫേഴ്‌സ് 'എന്ന പേരില്‍ 50 ശതമാനം ഇളവുകള്‍ ആണ് ഖത്തര്‍ എയര്‍വേസ് പ്രഖ്യാപിച്ചത്.  ഓഫറുകള്‍ എല്ലാ കാംപിന്‍ ക്ലാസുകളിലും ലഭ്യമാണ്. ഫസ്റ്റ് ക്ലാസിലും ബിസിനസ് ക്ലാസിലും സുഹൃത്തുക്കളോടും, കുടുംബത്തോടുമൊപ്പം യാത്രചെയ്യുന്നവര്‍ക്ക് കംപാനിയന്‍ ഓഫറിന്റെ ആനുകൂല്യങ്ങളും ലഭ്യമാകും.
ഈവര്‍ഷം ഫെബ്രുവരി 28മുതല്‍ ഈമാസം ഏഴുവരെയാണ് ടിക്കറ്റ് ബുക്ക് ചെയ്യുവാനുള്ള കാലാവധി. ഈ ഇളവുകള്‍ ഉപയോഗിച്ച് ടിക്കറ്റ് ബുക്ക് ചെയ്യുന്നവര്‍ക്ക് ഓഫര്‍ കാലയളവില്‍ ആനുകൂല്യങ്ങള്‍ ലഭ്യമാകും.