കരുവാരകുണ്ട്: കുട്ടത്തി വിനോദ് തീയറ്ററിനു സമീപം സ്വകാര്യ വ്യക്തിയുടെ സ്ഥലത്ത് അഗ്‌നിബാധ. നെടുംങ്കല്ലേല്‍ ഫ്രാന്‍സിസിന്റെ പുരയിടത്തിലാണ് തീപിടിത്തം ഉണ്ടായത്. രണ്ടേക്കറോളം സ്ഥലം അഗ്‌നിക്കിരയായി. ഫ്രാന്‍സിസും കുടുംബവും സ്ഥലത്തില്ലായിരുന്നു.
റബര്‍, കുരുമുളക് തുടങ്ങിയ കാര്‍ഷിക വിളകള്‍ കത്തിയമര്‍ന്നു. നഷ്ടം കണക്കാക്കി വരുന്നു.
ഇന്നലെ ഉച്ചയോടെയാണ് തീ പടര്‍ന്നത്. സംഭവത്തിന് പിന്നില്‍ സാമൂഹ്യ വിരുദ്ധരാണന്നാണ് നിഗമനം. റസാഖ് നെച്ചിക്കാടന്‍, ബാപ്പു മങ്കര, സിയാദ് ആനപ്പട്ടം, അന്‍ഷാദ് ഓടക്കല്‍ തുടങ്ങിയവര്‍ തീ മറ്റിടങ്ങളിലേക്ക് പടരാതെ നിയന്ത്രണവിധേയമാക്കി.