സേലം: സുപ്രിംകോടതി വിവാഹം ശരിവച്ചതിനു പിന്നാലെ, ഭര്‍ത്താവ് ഷെഫിന്‍ ജഹാനുമൊത്ത് ഹാദിയ കേരളത്തിലേക്കു തിരിച്ചു. സേലത്തുള്ള ഇവര്‍ മലപ്പുറത്തേക്കാണ് വരുന്നത്.

ഹാദിയ പഠിക്കുന്ന ഹോമിയോപ്പതി കോളജില്‍ വെള്ളിയാഴ്ച വൈകുന്നേരത്തോടെ ഷെഫിന്‍ എത്തി. പ്രിന്‍സിപ്പാളിന്റെ അനുമതി വാങ്ങിച്ച ശേഷമാണ് ഹാദിയയെ കേരളത്തിലേക്കു കൊണ്ടുവന്നത്.

രാത്രിയോടെ മലപ്പുറത്ത് എത്തുന്ന ഇവര്‍ മലപ്പുറത്തുവച്ച് ശനിയാഴ്ച മാധ്യമങ്ങളെ കാണുമെന്നും സൂചനയുണ്ട്. കോളജില്‍ നിന്ന് അവധിയെടുത്താണ് ഹാദിയ നാട്ടിലെത്തുന്നത്. കുറച്ച് ദിവസത്തിനു ശേഷം മടങ്ങിപ്പോവുമെന്ന് ഹാദിയ മാധ്യമങ്ങളോടു പറഞ്ഞിരുന്നു.