കോഴിക്കോട്: ആഗോളവല്‍ക്കരണത്തിന്റെ പ്രതിഫലനം എല്ലാ തൊഴില്‍ മേഖലയെയും ബാധിച്ചതായി മന്ത്രി എം.എം മണി. കേരളാ ന്യൂസ് പേപ്പര്‍ എംപ്ലോയിസ് ഫെഡറേഷന്‍ സംസ്ഥാന സമ്മേളനത്തിന്റെ ഭാഗമായി 'തൊഴില്‍ നിയമ പരിഷ്‌കാരങ്ങള്‍' എന്ന വിഷയത്തില്‍ നടത്തിയ ട്രേഡ് യൂനിയന്‍ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
ആനുകൂല്യങ്ങള്‍ നിഷേധിക്കപ്പെടുന്ന പുതിയ സമ്പ്രദായമാണു തൊഴില്‍രംഗത്തെ കരാര്‍വല്‍ക്കരണം. ഇതിനു കാരണം ഉദാരീകരണ നയങ്ങളാണ്.
കേന്ദ്രസര്‍ക്കാര്‍ കൊണ്ടുവരുന്ന ട്രേഡ് യൂനിയന്‍ നിയമഭേദഗതി തൊഴില്‍ ഉടമയ്ക്ക് അനുകൂലമാണെന്നും മന്ത്രി മണി പറഞ്ഞു.
സംസ്ഥാന പ്രസിഡന്റ് ഗോപന്‍ നമ്പാട്ട് അധ്യക്ഷനായി. പി.കെ മുകുന്ദന്‍, കെ.ജി പങ്കജാക്ഷന്‍, എം. രാജന്‍, യു. പോക്കര്‍, പി. സുധാകരന്‍ സംസാരിച്ചു.